जनता 4k न्युज जनकपुरधाम। रामानन्द चौक मा पैदल यात्रुको सुरक्षालाई ध्यानमा राख्दै जेब्राक्रसिङ राखिएको छ। बढ्दो सवारी चापका कारण सडक पार गर्न कठिनाइ भोग्दै आएका सर्वसाधारणलाई लक्षित गर्दै सम्बन्धित निकायले यो व्यवस्था गरेको हो।
जेब्राक्रसिङ राखिएसँगै अब पैदल यात्रुहरूले निश्चित स्थानबाट सुरक्षित रूपमा सडक पार गर्न सक्नेछन्। यसले अव्यवस्थित रूपमा सडक काट्ने प्रवृत्तिमा कमी ल्याउने र दुर्घटनाको जोखिम घटाउने अपेक्षा गरिएको छ।
स्थानीयवासीले यस कदमको स्वागत गर्दै यस्तो व्यवस्था अन्य व्यस्त चोकहरूमा पनि विस्तार गर्नुपर्ने माग गरेका छन्। ट्राफिक व्यवस्थापनलाई थप प्रभावकारी बनाउन सम्बन्धित निकायले यस्ता जनमैत्री कार्यलाई निरन्तरता दिने जनाएको छ।
