काठमाडौँ। नेपाली बजारमा बिहीबार सुन र चाँदी दुवैको मूल्य घटेको छ। नेपाल सुनचाँदी व्यवसायी महासंघका अनुसार छापावाल सुन प्रतितोला २ हजार ९०० रुपैयाँले घट्दै २ लाख ९२ हजार २०० रुपैयाँमा कारोबार भइरहेको छ। अघिल्लो दिन बुधबार सुन प्रतितोला २ लाख ९५ हजार १०० रुपैयाँमा कारोबार भएको थियो।
त्यस्तै, १० ग्राम सुनको मूल्य पनि घटेर २ लाख ५० हजार ५१५ रुपैयाँ कायम भएको छ, जुन बुधबार २ लाख ५३ हजार रुपैयाँ थियो।
चाँदीको मूल्य पनि घटेको छ। बिहीबार चाँदी प्रतितोला ५ हजार ८७० रुपैयाँमा कारोबार भइरहेको छ, जबकि बुधबार प्रतितोला ५ हजार ९२० रुपैयाँ थियो। १० ग्राम चाँदीको मूल्य घटेर ५ हजार ३३ रुपैयाँ पुगेको महासंघले जनाएको छ।
